Katër migrantë u gjetën të vdekur pranë kufirit mes Kroacisë dhe Sllovenisë, ndërsa dy të tjerë u dërguan në spital në gjendje të rëndë pasi u transportuan në kushte çnjerëzore me kamion. Policia kroate arrestoi 13 persona të tjerë pranë fshatit Donje Prilishqe, ndërsa grupi dyshohet të jetë braktisur nga një kontrabandist i panjohur. Kroacia mbetet një pikë kyçe tranziti për migrantët që kërkojnë të hyjnë në Evropë përmes rrugës ballkanike, e cila megjithëse u shpall e mbyllur në 2016, vazhdon të përdoret nga mijëra persona çdo vit. Sipas Organizatës Ndërkombëtare për Migracionin, që nga viti 2014 mbi 400 persona kanë humbur jetën ose janë zhdukur gjatë kalimeve të rrezikshme në këtë zonë kufitare.