Presidenti rus Vladimir Putin ka paralajmëruar se Rusia do të përgjigjet në të njëjtën mënyrë ndaj vendeve të Bashkimit Evropian dhe Perëndimit nëse ato zbatojnë planet për sekuestrimin e anijeve tregtare ruse. Ai i ka cilësuar këto veprime si “pirateri dhe grabitje” dhe ka akuzuar disa vende perëndimore për shkelje të ligjit ndërkombëtar detar duke kufizuar lëvizjen e anijeve ruse. Putin ka theksuar se kundërpërgjigjet nuk do të kufizohen vetëm në zonat ku kryhen konfiskimet, por mund të shtrihen edhe në rajone të tjera, përfshirë Paqësorin. Këto deklarata vijnë në një kohë kur vendet perëndimore po shtojnë sanksionet ekonomike ndaj Rusisë, duke ndaluar anijet cisternë që transportojnë naftë, dhe rrisin tensionet në rajonin e Azi-Paqësorit dhe Arktikut.