Shtetet e Bashkuara kanë zgjeruar sanksionet ekonomike ndaj Iranit dhe partnerëve të tij, duke paralajmëruar izolimin e çdo shteti që bashkëpunon financiarisht me Teheranin. Kina, blerësi më i madh i naftës iraniane, ka reaguar me një paralajmërim të fortë, duke e cilësuar këtë veprim si sanksione të paligjshme dhe duke premtuar të marrë të gjitha masat e nevojshme për të mbrojtur interesat e saj. Ministri iranian i Ekonomisë ka deklaruar se Teherani është i përgatitur për këto masa dhe ka një plan dyvjeçar për t’i përballuar. Kjo përplasje e re midis Uashingtonit dhe Pekinit pritet të rrisë tensionet edhe në fushën tregtare, veçanërisht para bisedimeve të planifikuara mes presidentëve Trump dhe Xi Jinping.