Kompania kineze Henan Kuangshan Crane Co., Ltd. bëri bujë në rrjetet sociale pas vendimit të drejtuesit për të shpërndarë 22 milionë euro bonuse për rreth 7,000 punonjësit e saj gjatë një feste të organizuar më 13 shkurt. Gjatë ngjarjes, punonjësit u ftuan të merrnin aq para sa mund të mbanin në duar nga tavolinat e mbushura me kartëmonedha, duke krijuar një fenomen viral në internet. Kompania, e themeluar në vitin 2002 dhe e specializuar në prodhimin e vinçave, regjistroi për vitin 2025 një fitim prej 33 milionë eurosh, nga të cilat rreth 70% u shpërndanë si bonuse. Drejtori i kompanisë theksoi se qëllimi i tij është të ndihmojë punonjësit të përballojnë barrën financiare, duke përmendur kreditë dhe hipotekat që ata mbajnë, ndërsa më parë kishte shpërndarë edhe bonuse për gratë punonjëse me rastin e Ditës Ndërkombëtare të Gruas.