Një kongresmen federal meksikan nga partia në pushtet MORENA, Sensayen Escobar, është gjetur i vdekur në makinën e tij në shtetin Veracruz, me një plagë nga arma e zjarrit në kokë. Pas hetimeve të shumta dhe ekspertizave, prokuroria federale ka deklaruar se vdekja e tij ka ardhur si pasojë e vetëvrasjes, megjithëse pista e vrasjes nuk është përjashtuar plotësisht. Automjeti i Escobarit u gjet i parkuar në anë të rrugës, pa shenja sulmi apo dëmtime, dhe pranë tij ishte një armë zjarri. Sensayen Escobar, 42 vjeç, ish-ministër i Arsimit në Veracruz dhe deputet që nga shtatori i vitit 2024, u gjet i vdekur më 4 shtator në komunitetin La Gloria, ndërsa hetimet vijojnë për të sqaruar të gjitha rrethanat e ngjarjes.