Ish-ambasadori amerikan në Bosnjë dhe Hercegovinë, Michael Murphy, ka reaguar ashpër ndaj një artikulli të autorit izraelit Jose Lev Alvarez, i cili sugjeron që SHBA-ja duhet ta njohë pavarësinë e Republikës Srpska. Murphy e cilëson këtë shkrim si një nga përpjekjet më ekstreme lobuese për të ndryshuar narrativën mbi Bosnjën, duke e quajtur atë “çmendurinë më të madhe të shkruar për Bosnjën”. Ai gjithashtu përmend mundësinë që disa anëtarë të Presidencës së Bosnjës të propozojnë njohjen e Kosovës dhe krijimin e një baze ushtarake amerikane në vend, duke theksuar se forcat amerikane mund të rikthehen në Tuzla ose të krijojnë një bazë në Brçko.