Singapori ka ruajtur vendin e parë në Indeksin e Pasaportave Henley për vitin 2026, me qasje pa viza në 192 destinacione, duke qëndruar kështu kryesues për të dytin vit radhazi. Pas tij renditen Japonia, Koreja e Jugut dhe Emiratet e Bashkuara Arabe, të cilat kanë qasje në 188 vende, ndërsa Suedia është në vendin e tretë me 187 destinacione. Kosova është renditur në vendin e 60-të, me mundësi udhëtimi pa vizë në 83 vende, duke shënuar një përparim të madh prej 35 vendeve që nga viti 2016. Emiratet e Bashkuara Arabe kanë shënuar rritjen më të madhe në 20 vitet e fundit, duke u ngjitur 60 vende dhe duke kaluar Mbretërinë e Bashkuar, e cila ka zbritur në vendin e gjashtë.