Kremlini ka intensifikuar masat e sigurisë personale rreth Presidentit Vladimir Putin, duke vendosur kontrolle të rrepta dhe kufizime për stafit të tij, pas një vale vrasjesh të figurave të larta ushtarake dhe frikës së një grushti shteti. Raporti i një agjencie evropiane të inteligjencës tregon se Putini ka reduktuar ndjeshëm lëvizjet e tij publike dhe kalon shumë kohë në bunkerë, ndërsa Kremlini përballet me probleme të brendshme dhe sfida në fushën e betejës në Ukrainë. Një tension i theksuar është evident në elitën ushtarake dhe të sigurisë, ku arrestimet dhe konfliktet e brendshme rrisin shqetësimet për stabilitetin e Kremlinit, përfshirë edhe rrezikun e një komploti të mundshëm kundër presidentit. Këto zhvillime ndodhin në sfondin e një lufte të gjatë dhe të kushtueshme, ku humbjet dhe sulmet me dronë kanë goditur edhe Moskën, duke rritur ndjesinë e pasigurisë dhe dobësuar mbështetjen brenda elitës politike dhe ushtarake.