Autoritetet e instaluara nga Rusia në Krimenë e pushtuar kanë ndaluar shitjen e karburanteve për individë dhe biznese, duke i rezervuar ato vetëm agjencive shtetërore për shkak të mungesës së theksuar dhe sezonit të dobët turistik. Sergei Aksyonov, kreu prorus i gadishullit, njoftoi se nga 21 qershori pikat e karburanteve nuk do të furnizojnë më qytetarët, pa dhënë një afat për rifillimin e shitjeve. Kjo krizë është përkeqësuar nga sulmet e ushtrisë ukrainase, që godasin kamionët e karburanteve, rafineritë dhe infrastrukturën energjetike në rajon dhe në Rusi, duke goditur rëndë logjistikën e furnizimit. Presidenti ukrainas Zelensky e përshkroi këtë si “sanksione me rreze të gjatë” kundër Rusisë, ndërsa autoritetet ruse raportuan viktima dhe dëme nga sulmet në Kërçin e Krimesë, duke theksuar se Rusia po përballet me një krizë të thellë energjetike dhe logistike.