Presidentja e Komisionit Evropian, Ursula von der Leyen, ka paralajmëruar për kostot e mëdha ekonomike që po shkakton konflikti në Iran Bashkimit Evropian, duke theksuar se pasojat mund të zgjasin për muaj apo edhe vite. Ajo ka theksuar se vetëm në 60 ditët e para të konfliktit, shpenzimet për importet e lëndëve djegëse fosile janë rritur me mbi 27 miliardë euro, duke humbur pothuajse 500 milionë euro në ditë. Von der Leyen e ka cilësuar këtë situatë si krizën e dytë të madhe energjetike brenda katër viteve dhe ka theksuar nevojën urgjente për uljen e varësisë nga energjia e importuar dhe rritjen e prodhimit vendas të energjisë së pastër, përfshirë burimet e rinovueshme dhe energjinë bërthamore.