Pas një mungese prej pothuajse 20 vitesh, Kroacia ka rifilluar sot trajnimin ushtarak të detyrueshëm që do të zgjasë dy muaj. Në grupin e parë janë 800 të rinj mbi 18 vjeç, të cilët do të stërviten në tre kazerma në Knin, Slunj dhe Pozhegë. Gjatë kësaj periudhe, ushtarët do të marrin një pagë neto prej rreth 1100 eurosh dhe do t’u njihen dy muaj shërbim ushtarak. Pas përfundimit të trajnimit, ata kanë mundësinë të vazhdojnë karrierën në ushtrinë profesionale, ndërsa plani është që deri në 4,000 rekrutë të thirren çdo vit në Forcat e Armatosura Kroate.