The New York Times ka publikuar një hartë interaktive të quajtur “An American Mosaic”, e cila tregon shpërndarjen e komuniteteve të ndryshme në Shtetet e Bashkuara, duke përfshirë edhe shqiptarët. Kjo hartë bazohet në të dhënat e Censusit amerikan dhe ofron mundësinë për të parë në detaje zonat ku shqiptarët janë më të përqendruar, si New York-u dhe Detroit-i në Michigan. Në New York, komuniteti shqiptar është i pranishëm në Bronx, Westchester, Queens dhe Kings County, ndërsa në Michigan veçohet Macomb County. Megjithatë, termi “ancestry” në këto të dhëna tregon prejardhjen e deklaruar dhe nuk përkon domosdoshmërisht me numrin e personave të lindur në Shqipëri apo vende të tjera shqiptare.