Gjatë një konference për shtyp në Indi, ministri i Jashtëm rus Sergey Lavrov ndërpreu fjalën pasi telefoni i një gazetari filloi të binte dhe zëri i tij u dëgjua në sallë. Lavrov iu drejtua me ton të ashpër gazetarit dhe kërkoi që të mos ndërhynte, duke paralajmëruar më pas pjesëtarët e sigurisë që të nxirrnin gazetarin nëse nuk dorëzonte telefonin. Ai shtoi se nëse telefoni nuk dorëzohej, sigurimi do të nxirrte armën, një koment që u prit fillimisht si shaka dhe shkaktoi të qeshura në sallë. Megjithatë, pamjet e videos tregojnë një Lavrov serioz dhe pa buzëqeshje, duke nxitur reagime dhe diskutime të shumta në rrjetet sociale.