Kryeministri i Letonisë, Andris Kulbergs, ka njoftuar fillimin e operacionit të ri të sigurisë “Vilkatis” me qëllim forcimin e kontrolleve në kufirin me Bjellorusin. Ky hap vjen pas shtimit të kalimeve të paligjshme, përfshirë ndalimin e 15 personave që tentuan të kalonin përmes një tuneli nëntokësor. Operacioni parashikon rritjen e angazhimit të forcave të armatosura, përdorimin e mjeteve të avancuara si dronë, helikopterë dhe avionë, si dhe shtimin e kontrolleve në rrugët pranë kufirit lindor. Përveç kësaj, Letonia synon të forcojë bashkëpunimin me vendet fqinje Estoni, Lituani dhe Poloni për të parandaluar kalimet e paligjshme dhe lëvizjet e migrantëve në rajon.