Një grup senatorësh dhe ligjvënësish amerikanë, nga partitë republikane dhe demokrate, kanë kërkuar nga administrata e presidentit Donald Trump rivendosjen e sanksioneve ndaj zyrtarëve të Republikës Sërpska, të cilat ishin hequr në tetor të vitit 2025. Kjo kërkesë erdhi pas marrjes në pyetje të punonjësve dhe ish-punonjësve të Qendrës Përkujtimore të Srebrenicës, të cilët kishin punuar në një raport për mohimin e gjenocidit në Srebrenicë, duke ngritur shqetësime për presion dhe frikësim ndaj institucioneve që ruajnë kujtesën historike dhe mbrojnë të drejtat e njeriut.