Gazetarja amerikane e luftës, Shelly Kittleson, u lirua nga grupi irakian Kataib Hezbollah një javë pasi ishte rrëmbyer në Bagdad. Lirimi i saj u bë në këmbim të disa të burgosurve të grupit, ndërsa autoritetet irakiane kërkuan që ajo të largohet menjëherë nga Iraku. Grupi Kataib Hezbollah e konsideroi këtë veprim si një shenjë vlerësimi për qëndrimet patriotike të kryeministrit irakian, por paralajmëroi se një iniciativë e tillë nuk do të përsëritet në të ardhmen. Shelly Kittleson, me përvojë 15-vjeçare në mbulimin e konflikteve në Lindjen e Mesme, bashkëpunon me media ndërkombëtare dhe italiane.