Presidenti i Lituanisë, Gitanas Nauseda, njoftoi se partitë parlamentare ranë dakord për të hequr një dispozitë kushtetuese që ndalon armët bërthamore në territorin lituanez. Ky ndryshim vjen si pasojë e përkeqësimit të situatës gjeopolitike dhe nevojës për t’u përshtatur me realitetet e reja të sigurisë në rajon. Edhe pse nuk ka plane të menjëhershme për vendosjen e armëve bërthamore, heqja e këtij ndalimi do t’i mundësojë vendit të mos kufizohet në rast të ndryshimeve të mëtejshme në siguri. Lituania, si anëtare e NATO-s dhe aleate e Ukrainës, synon të mos mbetet në një “zonë gri” brenda aleancës, duke synuar të jetë një pjesë e plotë dhe e barabartë e mekanizmave parandaluese bërthamore.