Presidenti francez Emmanuel Macron deklaroi se Franca nuk është pjesë e konfliktit në Lindjen e Mesme dhe nuk ka ndërmend të përfshihet në luftë. Ai theksoi se veprimet e Francës në rajon janë të fokusuar në mbrojtjen e qytetarëve dhe aleatëve, duke përfshirë vendosjen e mjeteve ushtarake si aeroplanmbajtësja “Charles de Gaulle”. Macron njoftoi se Franca po mobilizohet në mënyrë paqësore për të siguruar trafikun detar dhe po kërkon të ndërtojë një koalicion me partnerët për mbrojtjen e rrugëve detare, të cilat janë thelbësore për ekonominë globale. Ai theksoi gjithashtu se Franca do të veprojë me përmbajtje dhe arsyeshmëri për të ruajtur paqen në rajon.