Kancelari gjerman Friedrich Merz ka përshëndetur marrëveshjen SHBA-Iran për armëpushimin dhe garantimin e kalimit të sigurt në Ngushticën e Hormuzit, duke theksuar gatishmërinë e Gjermanisë për të ndihmuar me anije për pastrimin e minave detare dhe sigurimin e lundrimit. Marina gjermane ka dislokuar tashmë dy anije në Detin e Kuq, të cilat pritet të stacionohen në portin e Xhibutit për një mision të mundshëm, ndërsa ministri i Mbrojtjes Boris Pistorius njoftoi se nuk kërkohet mandat nga Bundestagu për këtë dislokim, i cili bëhet në kuadër të misionit detar të BE-së "Aspides".