Një çift filipinas, Leian Lieza Galang dhe Gilbert Chico, u martuan në kishën Saint John the Baptist në Hagonoy, Filipine, pavarësisht përmbytjeve të mëdha që kishën mbuluar vendin e ceremonisë. Uji kishte arritur deri në bel dhe kisha ishte pjesërisht nën ujë për gati një muaj, por nusja hyri me kujdes në ujërat e turbullta e veshur me fustan të bardhë, ndërsa dhëndri priste në altarin e përmbytur. Ceremonia u zhvillua në një format të shkurtuar dhe me pjesëmarrjen e më pak se 15 personave, përkundër këshillave për shtyrjen e dasmës. Çifti theksoi se dashuria e tyre ishte më e fortë se çdo pengesë dhe asgjë nuk mund ta ndalte bashkimin e tyre, duke përfshirë edhe faktin që rrobat u lagën gjatë ceremonisë.