Presidenti iranian Masoud Pezeshkian ka deklaruar se mbi 14 milionë qytetarë janë të gatshëm të sakrifikojnë jetën e tyre për të mbrojtur Iranin në rast të një pushtimi tokësor nga SHBA ose Izraeli. Ai vetë ka shprehur përkushtimin për të dhënë jetën në mbrojtje të vendit, duke e cilësuar këtë një akt patriotik. Autoritetet iraniane kanë nisur fushata publike për rekrutimin e vullnetarëve dhe kanë ftuar edhe ushtarakët në pension të rikthehen në shërbim, në kuadër të fushatës “Janfada” për unitetin kombëtar. Kjo mobilizim vjen në një kohë kur Irani përgatitet për një sulm të mundshëm nga SHBA, pas ultimatumit të presidentit amerikan Donald Trump për rihapjen e Ngushticës së Hormuzit, një rrugë kyçe për tregtinë botërore të naftës.