Mbi 800 zjarre pyjore vazhdojnë të jenë aktive në Kanada, duke shkaktuar përkeqësim të ndjeshëm të cilësisë së ajrit në rajone të mëdha të vendit dhe në veriun e Shteteve të Bashkuara. Tymi i dendur ka mbuluar qytete si Thunder Bay dhe Toronto, dhe është përhapur deri në zonat e Liqeneve të Mëdha, Miçigan, Minesotë dhe Nju Jork, ku cilësia e ajrit është klasifikuar si “e rrezikshme”. Autoritetet amerikane kanë lëshuar alarme dhe rekomandime për banorët që të shmangin aktivitetet në ambiente të hapura, ndërsa meteorologët parashikojnë reshje të pamjaftueshme për të ndaluar zjarret në Ontario. Ndërkohë, erërat vazhdojnë të bartin tymin drejt SHBA-së, me shqetësime se ai mund të ndikojë edhe në finalen e Kupës së Botës në New Jersey, përpara se drejtimi i erës të ndryshojë dhe të përmirësojë cilësinë e ajrit në fillim të javës së ardhshme.