Mbreti Charles III ka thelluar distancimin me djalin e tij, Princin Harry, dhe bashkëshorten e tij Meghan Markle, duke konfirmuar se ata nuk do të jenë më anëtarë aktivë të familjes mbretërore pas rikthimit të tyre në Mbretërinë e Bashkuar. Në një letër zyrtare të dërguar në emër të Mbretit nga Lord Chamberlain, është bërë e qartë se Harry dhe Meghan nuk do të përdorin më titujt HRH dhe do të konsiderohen vetëm qytetarë privatë me angazhime tregtare dhe bamirësie. Letra është adresuar jo vetëm ekipit të çiftit, por edhe institucioneve qeveritare, zyrtarëve ushtarakë dhe përfaqësuesve lokalë të monarkut, duke theksuar se çdo aktivitet i tyre në Britani do të jetë në kapacitet privat dhe jo në emër të familjes mbretërore. Ky zhvillim tregon një distancim të qartë institucional dhe një rregullim të ri të statusit mbretëror të Sussex-ëve pas kthimit në vendin e tyre.