Televizioni shtetëror i Hungarisë ka pezulluar përkohësisht transmetimin e edicioneve të lajmeve, duke njoftuar se kjo masë është pjesë e një riorganizimi të medias publike për ta bërë atë më të pavarur dhe të besueshme. Në ekran u shfaq një mesazh ku kërkohej ndjesë për gënjeshtrat e kaluara dhe theksohej se media publike nuk mund të gënjejë më. Kjo lëvizje vjen pas fitores së partisë së kryeministrit Peter Magyar, i cili ka premtuar reformimin e medias shtetërore dhe ndalimin e propagandës së lidhur me ish-kryeministrin Viktor Orban. Magyar e ka cilësuar këtë si një ditë historike dhe ka njoftuar gjithashtu ndërprerjen e transmetimit edhe në radion shtetërore Kossuth, duke synuar rikthimin e kontrollit institucional dhe luftën kundër korrupsionit.