Mehdi Taremi, sulmuesi 33-vjeçar i kombëtares së Iranit dhe aktualisht lojtar i Olympiacosit në Greqi, ka shprehur dëshirën për t’u rikthyer në Iran dhe për t’u përfshirë në strukturat ushtarake për të mbrojtur vendin e tij pas sulmeve të SHBA-së dhe Izraelit. Ai ka njoftuar drejtuesit e klubit grek për këtë vendim dhe është i vendosur të kontribuojë në mbrojtjen e atdheut, pavarësisht përpjekjeve të Federatës iraniane për ta bindur të vazhdojë karrierën në futboll. Taremi ka theksuar se ky është momenti kur vendi i tij ka më shumë nevojë për të dhe se dëshiron të jetë pranë popullit të tij në këtë situatë të rrezikshme. Gjatë karrierës së tij, ai ka luajtur edhe për Interin dhe Porton, duke fituar njohje ndërkombëtare për paraqitjet dhe golat e tij.