Ministria për Evropën dhe Punët e Jashtme ka bërë apel për të gjithë shtetasit shqiptarë që ndodhen aktualisht në Iran dhe planifikojnë të kthehen në Shqipëri përmes pikave kufitare tokësore mes Iranit dhe Turqisë, që të kontaktojnë menjëherë Ambasadën e Republikës së Shqipërisë në Ankara. Ky komunikim paraprak është thelbësor për të siguruar asistencën konsullore dhe për të koordinuar me autoritetet turke sipas udhëzimeve të tyre. MEPJ ka vënë në dispozicion numrat e telefonit dhe adresën e emailit të Ambasadës në Ankara për çdo nevojë apo informacion shtesë. Ministria vijon të ndjekë me kujdes zhvillimet në rajon dhe do të informojë qytetarët në vazhdimësi.