Ish-kancelarja gjermane Angela Merkel ka kritikuar ashpër Bashkimin Europian për mungesën e përpjekjeve diplomatike ndaj Rusisë në kontekstin e luftës në Ukrainë. Ajo thekson se, ndonëse mbështetja ushtarake për Ukrainën është e drejtë, Evropa nuk po përdor mjaftueshëm fuqinë e saj diplomatike dhe është gabim që vetëm Shtetet e Bashkuara mbajnë kontakte me Kremlinin. Merkel kujton se në vitin 2021 kishte propozuar një kornizë dialogu mes BE-së dhe Rusisë, por kjo ide nuk u realizua për shkak të mosmarrëveshjeve brenda vendeve anëtare. Ish-kancelarja nënvizon rëndësinë e diplomacisë si pjesë të zgjidhjes së konflikteve, duke u bazuar në përvojën e saj gjatë viteve në marrëdhëniet me Moskën dhe Ukrainën.