Kancelari gjerman Friedrich Merz bëri thirrje për fillimin e menjëhershëm të negociatave për t’i dhënë fund luftës në Ukrainë, duke theksuar se ka ardhur momenti për të ndalur vrasjet dhe ngrirë vijën e frontit. Ai deklaroi se Rusia nuk do ta fitojë këtë konflikt dhe se Evropa së bashku me aleancën transatlantike janë të gatshme të rrisin presionin ekonomik ndaj Moskës. Merz ritheksoi angazhimin e palëkundur të Gjermanisë për mbështetjen e Ukrainës, e cila prej më shumë se katër vjetësh po përballet me pushtimin rus. Megjithatë, Moska vazhdon të refuzojë negociatat me evropianët, duke kërkuar lëshime territoriale që Ukraina i ka refuzuar, ndërsa shtetet kryesore evropiane kërkojnë mënyra për të rifilluar procesin paqësor.