Kancelari gjerman Friedrich Merz deklaroi se lufta në Ukrainë nuk do të përfundojë përmes negociatave, por vetëm kur njëra nga palët të shterrohet ushtarakisht ose ekonomikisht. Ai theksoi se logjika dhe argumentet humanitare nuk do ta bindin presidentin rus Vladimir Putin, duke e cilësuar situatën si një “barbari të thellë” që do të vazhdojë. Merz shtoi se përpjekjet evropiane duhet të fokusohen në pamundësimin e vazhdimit të luftës nga ana ushtarake dhe financiare e Rusisë. Sipas tij, elita në pushtet në Moskë nuk ka një plan për ushtarët e plagosur dhe duhet të mbajë “makinën e luftës” në punë për të mbijetuar.