Kancelari gjerman Friedrich Merz ka akuzuar partinë e ekstremit të djathtë Alternativa për Gjermaninë (AfD) për promovimin e politikave anti-emigracion që ai i konsideron si "spastrim etnik" të bazuar në prejardhje dhe ngjyrë të lëkurës. Ai ka paralajmëruar se planet e AfD-së për riatdhesimin e emigrantëve do të shkaktojnë dëme të mëdha ekonomike, duke kërcënuar funksionimin e profesioneve teknike, shërbimeve shëndetësore dhe sektorit të gastronomisë në Gjermani. Fitorja e AfD-së në zgjedhjet e fundit në landin Saksoni-Anhalt ka tronditur politikën gjermane, duke nxitur debate të ashpra për të ardhmen e politikave migratore në vend. AfD-ja ka mohuar akuzat për ekstremizëm, duke i cilësuar ato si përpjekje për të frikësuar dhe fyer votuesit e saj.