Një libër i ri i gazetarit Florian Tardif zbulon tensionet e brendshme në çiftin presidencial francez, pas një episodi të bujshëm në aeroportin e Hanoit në maj 2025, ku Brigitte Macron u filmua duke goditur lehtë bashkëshortin e saj, Emmanuel Macron. Sipas autorit, kjo grindje kishte si shkak mesazhe intime që presidenti i kishte dërguar aktores iraniane Golshifteh Farahani, mes të cilave edhe fraza "Je shumë e bukur". Megjithatë, zyra e Zonjës së Parë ka mohuar kategorikisht këto pretendime, duke theksuar se Brigitte Macron nuk kontrollon telefonin e bashkëshortit dhe ka hedhur poshtë versionin e autorit. Gazetari Florian Tardif këmbëngul në saktësinë e informacionit dhe thekson se këto mesazhe kanë krijuar tensione të forta në çift, të cilat u reflektuan në reagimin publik dhe debatet rreth tyre.