Grupi irakian pro-iranian Kataib Hezbollah publikoi një video që tregon sulmin me dron ndaj bazës ushtarake amerikane Victory pranë Aeroportit Ndërkombëtar të Bagdadit. Në video shihet droni i vogël kamikaz që eksploron terrenin për disa minuta dhe më pas përplaset në një prej objekteve brenda bazës, duke anashkaluar mbrojtjen ajrore amerikane. Ky është një nga rastet e para kur ky grup përdor me sukses një dron të tillë për të goditur objektiva strategjike. Incidenti ndodh në një periudhë tensioni të lartë në rajon, ku grupet e lidhura me Iranin kanë intensifikuar sulmet kundër forcave amerikane në Irak.