Ministri i Jashtëm i Turqisë, Hakan Fidan, ka theksuar se konflikti me Iranin nuk duhet të largojë fokusin e komunitetit ndërkombëtar nga situata dramatike në Gaza dhe Palestina. Ai ka akuzuar Izraelin për shkelje të armëpushimit dhe përpjekje për të justifikuar krimet e tij nën petkun e konfliktit rajonal, duke dënuar gjithashtu sulmet izraelite në Liban. Fidan ka nënvizuar se çelësi për siguri të qëndrueshme në rajon është arritja e një paqeje të drejtë dhe dinjitoze me popullin palestinez. Në të njëjtën kohë, kryeministri i Katarit ka kërkuar ndalimin e menjëhershëm të sulmeve iraniane dhe ka falënderuar Turqinë për mbështetjen në ruajtjen e stabilitetit në rajon.