Pas sulmeve të përbashkëta të Shteteve të Bashkuara dhe Izraelit në Iran, Ministria e Punëve të Jashtme të Shqipërisë ka bërë thirrje për shtetasit shqiptarë që jetojnë në Izrael të tregojnë kujdes të shtuar. Ata u kërkojnë qytetarëve të ndjekin me vëmendje njoftimet zyrtare dhe të respektojnë udhëzimet e sigurisë nga autoritetet vendore. Ambasada Shqiptare në Tel Aviv është në dispozicion të plotë të qytetarëve dhe në komunikim të vazhdueshëm me autoritetet izraelite për të ndihmuar në çdo situatë emergjente. Për nevoja urgjente, qytetarët shqiptarë në Izrael mund të kontaktojnë numrat e emergjencës të Ambasades, duke kërkuar që këto kontakte të përdoren vetëm nga ata që ndodhen në vend dhe jo për media.