Administrata e presidentit amerikan Donald Trump po përgatit një marrëveshje të madhe për shitjen e motorëve të aeroplanëve luftarakë turq, në vlerë mbi 700 milionë dollarë. Këta motorë, prodhim i kompanisë General Electric, do të fuqizojnë avionët e parë luftarakë turq të modelit KAAN, duke forcuar kapacitetet ajrore të Ankarasë. Pavarësisht kundërshtimeve në Kongresin amerikan, planet janë që marrëveshja të finalizohet para samitit të NATO-s në Ankara muajin e ardhshëm. Raportet mes SHBA-së dhe Turqisë kanë pasur tensione për shkak të furnizimeve turke me sisteme ruse të mbrojtjes, por Trump ka shprehur optimizëm duke thënë se do të ndërmarrë hapa që do t’i bëjnë të lumtur palët e përfshira.