Ministria e Punëve të Jashtme dhe Tregtisë së Jashtme e Maqedonisë së Veriut ka bërë thirrje urgjente për të gjithë qytetarët e vendit që ndodhen në Meksikë të largohen sa më shpejt dhe në mënyrë të sigurt për shkak të përkeqësimit të situatës së sigurisë në këtë vend. MPJ rekomandon shtyrjen e të gjitha udhëtimeve që nuk janë urgjente dhe të nevojshme drejt Meksikës. Për të ndihmuar qytetarët, ministria ka vënë në dispozicion linja telefonike dhe adresa emaili për komunikim dhe asistencë 24-orëshe. Situata po monitorohet vazhdimisht dhe MPJ do të informojë publikun për çdo zhvillim të ri.