Një grua 97-vjeçare, Guna Maya Bohara, u shpëtua e gjallë pas rreth katër orësh nën rrënojat e një qendre kujdesi në Nepal, e përfshirë nga përmbytjet shkatërruese. Operacioni i shpëtimit u zhvillua me ndihmën e ushtrisë dhe ekipeve të specializuara, të cilët përdorën ekskavatorë për të larguar baltën dhe rrënojat që mbulonin ndërtesën. Guna Maya, e cila vuante nga demenca e avancuar, është e vetmja e mbijetuar nga banorët e azilit dhe aktualisht po merr trajtim mjekësor në spitalin e Katmandusë. Ndërkohë, autoritetet vijojnë kërkimet për mijëra persona të zhdukur pas përmbytjeve, ku bilanci i viktimave ka arritur në 633 dhe situata mbetet kritike përgjatë kufirit me Kinën.