Një avion luftarak spanjoll F-18, pjesë e një misioni të NATO-s, rrëzoi një dron që kishte hyrë ilegalisht në hapësirën ajrore të Rumanisë. Ministria rumune e Mbrojtjes njoftoi se ky ishte droni i katërt i rrëzuar gjatë këtij viti, ndërsa objekti u zbulua nga radarët duke hyrë nga drejtimi i Moldavisë, rreth 24 kilometra në veri të qytetit Galati. Pas marrjes së autorizimit, avioni F-18 e rrëzoi dronin në orën 05:01, dhe mbetjet e tij ranë në një zonë të pabanuar midis dy fshatrave.