Kryeministri i Izraelit, Benjamin Netanyahu, i ka bërë thirrje popullit iranian të mos humbasë mundësinë historike që paraqitet pas vdekjes së liderit Ali Khamenei. Ai publikoi një video në persisht, e prodhuar me inteligjencë artificiale, ku inkurajon iranianët të dalin në rrugë me miliona për të përmbysur regjimin që sipas tij i ka shkaktuar vuajtje dhe hidhërim popullit. Netanyahu theksoi se ndihma e dëshiruar nga iranianët tashmë ka mbërritur dhe se tani është koha për të bashkuar forcat në një mision historik. Mesazhi i tij synon të nxisë një mobilizim të gjerë kundër regjimit të Teheranit në këtë moment kritik.