Kryeministri izraelit Benjamin Netanyahu ka shkaktuar një reagim të ashpër nga qeveria britanike pas një deklarate ku e përshkroi Britaninë si “republikën e parë islame me armë bërthamore”. Kjo shprehje u bë gjatë një interviste në podcastin e Radios së Ushtrisë izraelite, ku Netanyahu kritikoi ndryshimin e qëndrimit britanik ndaj Izraelit dhe ironizoi mbi rrezikun që ai sheh në zhvillimet bërthamore në Iran. Londra e cilësoi deklaratën si “plotësisht të papranueshme” dhe i dërgoi një ankesë zyrtare qeverisë izraelite, duke theksuar tensionet e rritura mes dy vendeve, sidomos për shkak të qëndrimit britanik ndaj luftës në Gaza. Zëdhënësi izraelit David Mencer përpiqej të sqaronte se Netanyahu kishte cituar një koment të bërë më parë nga zëvendëspresidenti amerikan JD Vance, por kjo nuk uli reagimin kritik në Britani.