Kryeministri izraelit Benjamin Netanyahu deklaroi se Izraeli është i përgatitur për çdo skenar lidhur me zhvillimet në Lindjen e Mesme, veçanërisht përballë tensioneve me Iranin dhe Libanin. Ai njoftoi se Izraeli është në prag të eliminimit të një bastioni të rëndësishëm të Hezbollahut në Bint Jbeil, jug të Libanit, dhe ka urdhëruar Forcat e Mbrojtjes të vazhdojnë operacionet për të siguruar dhe zgjeruar kontrollin në zonë. Netanyahu theksoi se objektivat strategjikë të Izraelit janë në përputhje me ato të Shteteve të Bashkuara dhe se është ende herët për të parashikuar përfundimin apo zhvillimet e mëtejshme të konfliktit. Ai shtoi se Izraeli është i gatshëm për çdo zhvillim të mundshëm, duke pasur parasysh mundësinë e rifillimit të luftimeve.