Kryeministri izraelit Benjamin Netanyahu ka deklaruar se Izraeli duhet të ndalojë varësinë nga ndihma ushtarake amerikane dhe të zhvillojë sistemet e veta të armëve për të siguruar pavarësinë ushtarake të vendit. Ai theksoi rëndësinë e mbështetjes amerikane, por shtoi se është koha që Izraeli të ketë një sistem të pavarur armatimi, duke e cilësuar këtë si një nevojë strategjike për të ardhmen. Kjo deklaratë vjen në një moment kur ndihma ushtarake amerikane prej 3.8 miliardë dollarësh në vit, e cila është pjesë e një marrëveshjeje 10-vjeçare, do të skadojë në vitin 2028 dhe kërkon rinegocim. Ndërkohë, Izraeli po përballet me presione nga SHBA për të frenuar sulmet në Libanin jugor, por Netanyahu ka deklaruar se forcat izraelite do të vazhdojnë operacionet e tyre në këtë rajon.