Kryeministri izraelit Benjamin Netanyahu ka marrë përgjegjësinë për vrasjen e një komandanti të lartë të Hezbollah në Bejrut, duke theksuar se asnjë terrorist nuk është imun ndaj sulmeve të Izraelit. Ai njoftoi eliminimin e komandantit të forcës Radwan, një njësi elitare e Hezbollahut, gjatë një operacioni në kryeqytetin libanez. Netanyahu paralajmëroi se kushdo që kërcënon Izraelin do të përballet me pasoja fatale, duke sinjalizuar vazhdimin e sulmeve ndaj objektivave që konsiderohen kërcënim për sigurinë e vendit. Kjo deklaratë vjen në një kohë kur tensionet mes Izraelit dhe Hezbollahut janë në nivele të larta dhe përshkallëzimi i përplasjeve përgjatë kufirit me Libanin është rritur ndjeshëm.