Kryeministri izraelit Benjamin Netanyahu ka reaguar ashpër pas një sulmi të kryer nga Hezbollah ndaj forcave izraelite, duke e cilësuar atë si një shkelje flagrante të armëpushimit. Ai u shpreh ngushëllime familjeve të komandantit dhe tre luftëtarëve të vrarë dhe njoftoi se ushtria izraelite (IDF) ka sulmuar mbi 80 objektiva terroriste, duke eliminuar dhjetëra militantë dhe goditur selinë e Hezbollahut në Luginën Bekaa. Netanyahu paralajmëroi se Izraeli nuk do të tolerojë sulme ndaj territorit dhe ushtarëve të tij dhe do t’i kërkojë Hezbollahut një çmim shumë të lartë për këto veprime. Ai theksoi se forcat izraelite do të qëndrojnë në zonën e sigurisë në Libanin jugor për të mbrojtur vendbanimet në veri, duke nënvizuar gatishmërinë për të penguar çdo kërcënim të ardhshëm.