Kryeministri izraelit Benjamin Netanyahu deklaroi se konflikti me Iranin nuk ka përfunduar dhe se situata mbetet e hapur për zhvillime të reja në çdo moment. Ai theksoi se Izraeli, në bashkëpunim me Shtetet e Bashkuara, vazhdon përballjen kundër asaj që e quajti “tirani e Iranit” dhe se janë arritur suksese të mëdha deri tani. Deklaratat e tij erdhën pas një takimi me presidentin e Argjentinës në Jerusalem, në një kohë kur tensionet diplomatike dhe ushtarake në rajon janë në rritje. Ndërkohë, SHBA po përgatit bisedime në Pakistan lidhur me konfliktin, ndërsa media shtetërore iraniane mohon ekzistencën e bisedimeve të reja me amerikanët, duke lënë qëndrimin e Teheranit të paqartë.