Kryeministri izraelit Benjamin Netanyahu ka përshkruar sulmet iraniane ndaj qyteteve Arad dhe Dimona si “një mbrëmje shumë të vështirë”, duke theksuar dëmet dhe plagosjet e shumta që këto sulme shkaktuan. Rreth 100 persona u plagosën, me mbi 64 të trajtuar në Arad, përfshirë shtatë me plagë të rënda. Netanyahu bisedoi me udhëheqës lokalë, përfshirë Kryetarin e Komunës së Aradit, dhe u angazhua për sigurimin e ndihmës së plotë për të plagosurit dhe mbështetjen e forcave të emergjencës në terren. Ai gjithashtu theksoi vendosmërinë e Izraelit për të vazhduar goditjet ndaj armiqve në të gjitha frontet, duke bërë thirrje për respektimin e udhëzimeve të Komandës së Frontit të Brendshëm.