Kryeministri izraelit Benjamin Netanyahu ka refuzuar draftin e marrëveshjes së propozuar nga administrata e presidentit amerikan Donald Trump për çarmatosjen e Hamasit dhe demilitarizimin e Rripit të Gazës. Ai theksoi se propozimi i paraqitur nuk përfaqëson qëndrimin e Izraelit dhe se komentet e tyre janë dërguar para nisjes së debatit publik dhe fushatës mediatike. Nga ana tjetër, Trump e kishte cilësuar marrëveshjen si një hap historik drejt paqes dhe sigurisë, duke njoftuar se forcat izraelite do të tërhiqen nga territori palestinez pas çarmatimit të Hamasit. Netanyahu nënvizoi se Izraeli do të vazhdojë të mbrojë interesat e tij me mençuri dhe vendosmëri, duke lënë të kuptohet se çdo marrëveshje e ardhshme duhet të përputhet me kërkesat e qeverisë së tij.