Kryeministri izraelit Benjamin Netanyahu vizitoi për herë të parë që nga marrëveshja e fundit të sigurisë territorin e pushtuar libanez në jug, duke deklaruar se Izraeli nuk do të tërhiqet derisa Hezbollahu të mos përbëjë më kërcënim. Marrëveshja e ndërmjetësuar nga SHBA parashikon dorëzimin e dy zonave nga forcat izraelite tek ushtria libaneze, por detajet e zbatimit praktik mbeten të paqarta. Ushtria izraelite ka krijuar një “zonë neutrale” rreth 10 kilometra brenda Libanit, ku ka detyruar largimin e banorëve dhe ka shkatërruar infrastrukturën që përdoret nga Hezbollahu, përfshirë tunelet nëntokësore. Netanyahu theksoi se qëndrimi i Izraelit në këtë zonë do të vazhdojë për aq kohë sa Hezbollah mbetet i armatosur dhe kërcënues ndaj Izraelit.