New Yorku u përball me reshje intensive shiu që shkaktuan përmbytje masive në disa zona të qytetit, duke kthyer rrugët në lumenj dhe duke bllokuar automjetet në ujë. Brenda pak orësh ranë mbi 15 cm shi, ndërsa stacionet e metrosë u përmbytën dhe shërbimet e transportit u ndërprenë në disa linja, duke krijuar kaos në qarkullim dhe vështirësi të mëdha për qytetarët. Autoritetet lokale bllokuan rrugë të përmbytura dhe u bënë thirrje banorëve të shmangin lëvizjet e panevojshme deri në normalizimin e situatës. Reshjet e forta dhe erërat e fuqishme goditën veçanërisht zonat e Queens dhe Brooklyn, ku u regjistruan nivele të larta uji dhe ndërprerje të aktivitetit normal, përfshirë anulimin e aktiviteteve jashtëshkollore.