Sipas një raporti të Kombeve të Bashkuara, ngrohja globale pritet të kalojë pragun kritik prej 1.5 gradë Celsius gjatë vitit të ardhshëm, një kufi ky i vendosur në Marrëveshjen e Parisit për klimën. Edhe pse tejkalimi i këtij pragu konsiderohet i pashmangshëm, ekspertët theksojnë se është e mundur të kufizohet periudha dhe madhësia e këtij tejkalimi përmes një strategjie të quajtur “tejkalim, kulm dhe rënie”. Skenari më optimist parashikon që temperatura të arrijë një pikë kulmore prej rreth 1.8 gradë mbi nivelet para-industriale para se të fillojë të ulet, ndërsa shumica e parashikimeve flasin për rritje edhe më të madhe. Raporti i OKB-së nxit veprime urgjente për të minimizuar ndikimet e ngrohjes globale dhe për të rikthyer gradualisht temperaturat nën këtë nivel kritik.